M.FUTBOLL.TV

А серия. «Милан» ўз мухлисларини қувонтиришда давом этмоқда (видео)

23.02.2019 08:00 Ўқилди: 1558

Италия чемпионатининг 25-турига старт берилди. «Милан» ўз майдонида «Эмполи»ни қабул қилиб, йирик ҳисобда ғалаба қозонди.

Биринчи бўлимда ҳисоб очилмаган бўлса, иккинчи бўлим бошида Пёнтек рақиб давозасини ишғол қилди. Шу тариқа, Кшиштоф А серия доирасида "росонери" сафида кетма-кет тўртинчи ўйинда гол урмоқда.

Иккинчи тайм ўртасига қадар мезбонлар рақиб дарвозасига яна иккита гол уриб, ҳисобни йирик кўринишга келтириб қўйишди.

"Милан" ўз очколарини 45тага етказиб, эгаллаб турган 4-поғонасини мустаҳкамлаб олди. Гаттузо жамоаси 3-ўриндаги "Интер"дан 1 очко ортда қолмоқда. "Нерадзурри" ушбу турдаги баҳсини эртага "Фиорентина"га қарши ўтказади.

Италия А серияси, 25-тур
Милан – Эмполи 3:0 (0:0, 3:0)
Голлар: 1:0 – 49 Пёнтек, 2:0 – 51 Кессиэ, 3:0 – 67 Кастильехо.
Милан – Доннарумма, Конти, Мусаккьо, Романьоли, Родригес, Кессиэ, Бакайоко (Биглия, 80), Лукас Пакета (Борини, 69), Кастильехо, Пёнтек (Кутроне, 69), Чалханоглу.
Эмполи – Дронговски, Весели, Сильвестре, Делль`Орко, Ди Лоренцо, Аккуа (Учан, 66), Беннасер, Крунич, Паскуаль (Паяч, 74), Фариас (ла Гумина, 66), Капуто.
Огоҳлантиришлар: Ди Лоренцо (55), Чалханоглу (71).