Хабарингиз бор, Ўзбекистон Республикаси Президенти Шавкат Мирзиёевнинг 2018 йил 16 мартдаги ПҚ-3610-сонли “Футболни янада ривожлантириш чора-тадбирлари тўғрисида”ги ҳамда Вазирлар Маҳкамасининг 2018 йил 2 июндаги 410-сонли “Спорт турлари бўйича ихтисослаштирилган давлат мактаб-интернатлари фаолиятини такомиллаштириш тўғрисида”ги қарорларига асосан Ўзбекистон футбол ассоциацияси ҳузурида Қорақалпоғистон Республикаси, вилоятлар ва Тошкент шаҳрида болалар-ўсмирлар футбол академиялари ташкил этилди.
Эндиликда, истиқболли ва иқтидорли футболчиларни танлаш ва тайёрлашнинг самарали тизимини яратиш, миллий терма жамоалар ва профессионал футбол клублари учун сифатли спорт захирасини шакллантириш мақсадида бир қатор чора-тадбирлар амалга оширилмоқда.
2018 йилнинг 29 ноябрь куни Ўзбекистон футбол ассоциацияси биринчи вице-президенти Умид Аҳмаджонов Япониянинг «Ванфоре Кофу» клуби раҳбари, Япония футбол федерацияси аъзоси Казуюки Умино билан Тошкентда учрашув ўтказиб, болалар футболини ривожлантириш, футбол академиялари фаолиятини тўғри йўлга қўйиш масаласида ўзаро ҳамкорлик бўйича келишувга эришганди. Ана шунга асосан, жорий йилнинг 2-8 апрель санасида “Ванфоре Кофу” футбол клуби мамлакатимизнинг бир қатор болалар ва ўсмирлар футбол академиялари билан ҳалқаро ўртоқлик учрашувларини ўтказиш мақсадида Ўзбекистонга ташриф буюрмоқда.
Меҳмонлар мамлакатимизга ташрифини кўҳна ва навқирон Самарқанд шаҳридан бошлашни режалаштирган бўлиб, 2-3 апрель санасида Самарқандда бўлишса, 4-8 апрель кунлари Япония футбол жамоаси Тошкент шаҳрида академия жамоалари билан ўртоқлик ўйинлари ўтказади.
Жумладан, “Ванфоре Кофу” жамоаси ёшлари 3 апрель куни соат 16:00да “Динамо” ўйингоҳида Самарқанд вилоят болалар-ўсмирлар футбол академиясининг 17 ёшдаги тарбияланувчилари билан, 4 апрель санасида Тошкент шаҳар болалар-ўсмирлар футбол академиясининг 17 ёшдаги тарбияланувчилари билан, 7 апрель санасида эса Андижон ва Наманган вилоят болалар-ўсмирлар футбол академиясининг 17 ёшдаги тарбияланувчилари билан ўртоқлик ўйинида майдонга тушади.
Тошкент шаҳридаги халқаро ўртоқлик учрашувлари Футбол бўйича республика олий маҳорати мактабида (“Чиғатой”) соат 15:00 да ўтказилиши режалаштирилган.
Мазкур ўртоқлик учрашувлари юртимизда футболни янада оммавийлаштириш, ёш авлодни ҳар томонлама баркамол қилиб тарбиялаш ва соғлом турмуш тарзини тарғиб қилиш, шунингдек, Япония ва Ўзбекистон ўртасидаги дўстона алоқаларни янада мустаҳкамлаш ва ўзаро тажриба алмашиш мақсадида ташкил қилинмоқда.
![]() | 28.08.2025 02:48 Ўқилди 1690 Angliya kubogi. "Manchester Yunayted" 1/32 finalda 4-liga jamoasiga mag'lub bo'lib, turnirni tark etdi |
![]() | 29.08.2025 01:56 Ўқилди 1600 Rasman: Ole-Gunnar Sulsher istefoga chiqarildi |
![]() | 30.08.2025 01:56 Ўқилди 1567 A Seriya. "Milan" mavsumdagi ilk g'alabasini qo'lga kiritdi |
![]() | 28.08.2025 17:16 Ўқилди 1565 "Futbol olami". Yarim finalchilar malum, xayr "Navbahor" va "Bunyodkor" |
![]() | 20.08.2025 17:56 Ўқилди 1518 Eshitdik-da! Portugaliya terma jamoasi sobiq ustozi O'zbekiston MTJda ish boshlashi mumkin |
![]() | 27.08.2025 23:56 Ўқилди 1374 Sebalos "Marsel"ga o'tishdan bosh tortdi. "Real" xavbekni 11+4 mln evroga majburiy sotib olish sharti bilan ijaraga berishga tayyor edi |
![]() | 28.08.2025 10:56 Ўқилди 1243 PSJ va "Yuventus" o'zaro kelishuvga erishdi |
![]() | 28.08.2025 14:48 Ўқилди 1238 Bentu boshqargan terma jamoalar mundiallarda nima karomat ko'rsatgan? |
![]() | 20.08.2025 20:56 Ўқилди 1173 "Manchester Siti" himoyachisi faoliyatini Turkiyada davom ettiradi |
![]() | 28.08.2025 11:40 Ўқилди 1171 Eshitdik-da! Timur Kapadze "Paxtakor" bosh murabbiyi bo'lishi mumkin |