M.FUTBOLL.TV

Сиз ҳам пайқадингизми? МЮ футболчиси рақамида ПСЖ логотипи бўлган футболкада майдонга тушди

09.03.2019 11:42 Ўқилди: 2427

ПСЖ ҳамда "Манчестер Юнайтед" ўртасидаги Чемпионлар лигаси 1/8 финал жавоб ўйинида 17 ёшли Мэйсон Гринвуд "қизил иблислар" сафида дебют учрашувини ўтказди.

Ушбу йигитча Жерар Пике рекордини янгилаб, "Юнайтед"нинг Чемпионлар лигасидаги энг ёш футболчисига айланди.

Гринвуд майдонда бор-йўғи 10 дақиқа (қўшиб берилган вақт билан) бўлди, бироқ тезда шов-шув кўтаришга эришди. Ярим ҳимоячи кийган футболканинг рақамида ПСЖ логотипи бор эди! Аниқроғи, 54-рақам ичида.

Бу хато ёки рақиб устидан кулиш эмас, шунчаки МЮда кийимлар билан шуғулланадиган инсоннинг қарори. Парижга учишдан олдин жамоадаги жароҳатланганлар футболчилар сони 10 кишига етди, шу сабабли Сульшер қайдномага Гринвуд, Жеймс Гарнер (17 ёш), Таит Чонг (19 ёш) ва Эйнжел Гомесни (18) киритди.

МЮнинг қайдномаси жамоа Парижга учиб кетаётганда, сешанба куни эълон қилинди. Формаларга жавоб берувч кишига дебютантларга либос тайёрлаш учун вақт етмади, Франция пойтахтига учиб боргандан сўнг футболкаларга баъзи деталлар етишмаётганди. Ўша инсон ПСЖдаги ҳамкасбларидан Гринвуд учун 5 ва 4 рақамларини сўради. Парижликларнинг логотипини аниқлаш қийин бўлиши учун у бироз бўялган, аммо ажралиб турибди.

Чонг ёки Гомеснинг футболкаларида ПСЖ логотипи бор ёки йўқлиги маълум эмас (сураткашлар уларни расмга олишмаган), аммо Смоллинг формасида ҳаммаси тўғри эди.