M.FUTBOLL.TV

Суперлига. Дастлабки турнинг ўзида учта ўзгариш содир бўлди

07.03.2019 19:00 Ўқилди: 2236

Юртимизда янги футбол мавсуми бошланишига ҳам борган сайин кам муддат қолмоқда. 8-9-10 март кунлари Суперлигада 1-тур учрашувлари бўлиб ўтади.

Биласиз, Профессионал футбол лигаси майдони айни пайтда учрашувларни қабул қилишга тайёр бўлмаган жамоаларга стадион танлаш ҳуқуқини тақдим этган. Шу боисдан “Навбаҳор” — “Қўқон-1912” учрашуви Тошкентдаги ТТЙМИ стадионида бўлиб ўтадиган бўлди. “Қўқон-1912” уй стадиони ҳам айни дамда янги мавсумга тўлиқ тайёр эмас. Наманганликлар шу боисдан ўз уй учрашувини Фарғонадаги “Истиқлол” стадионида ўтказиш ниятида эди. Якунда “Навбаҳор” “Истиқлол” стадиони эмас, балки ТТЙМИ стадиони билан келиша олди ва натижада “лочинлар” илк тур ўйинини Тошкентда ўтказадиган бўлишди.

ТТЙМИ стадиони ёритиш тизими талабларга тўлиқ жавоб бермагани боисдан ўйин режадагидан 1 соат олдинроқ бошланади. Шунингдек, Термиздаги “Сурхон” спорт мажмуасида бўлиб ўтадиган “Сурхон” – “Металлург” учрашуви ҳам Спорт телеканали орқали намойиш этилиши режалаштирилгани боис режадагидан 1 соат эртароқ бошланади.

1-тур
10 март, якшанба
13:00 СУРХОН — МЕТАЛЛУРГ
15:00 НАВБАҲОР — ҚЎҚОН-1912
18:00 СЎҒДИЁНА — БУНЁДКОР

Кеча ПФЛ илк турдан ўрин олган "Пахтакор" - "Локомотив" учрашувин 8 мартдан 16 мартга кўчирган эди.