M.FUTBOLL.TV

Куртуа жорий мавсумда "Реал"нинг асосий дарвозабони сифатида иштирок этмоқда. Куртуа "Реал"га келиши биланоқ жамоанинг кетма-кет 3 маротаба ЕЧЛда ғолиб чиқишига катта ҳисса қўшган кипери Навас захирага ўтказилди. Натижада бельгиялик посбон "Реал"нинг ички чемпионат ва ЕЧЛдаги ўйинларида асосий таркиб футболчисига айланди. Навасга эса ЕЧЛ гуруҳ босқичи ҳамда Ла Лигада фақатгина 3тадан ўйин ва Испания Кубоги учрашувларида имконият берилди.

Куртуа "Реал" сафида ҳозирга қадар 30та ўйин ўтказишга улгурди. Статистикага назар соладиган бўлсак, посбон ўтказилган учрашувларнинг фақатгина 10тасида ўз дарвозаси даҳлсизлигини сақлашга эришган. Қолган 20 учрашувда "Реал" дарвозаси рақиблар томонидан жами 39 маротаба ишғол этилган.

"Реал" айни пайтда Ла Лигада пешқадам "Барселона"дан 12 очко ортда қолиб 3-ўринда бормоқда. ЕЧЛда эса жамоа 8 йилдан буён узлуксиз камида ярим финалга қадар бориб,  бу орада 4 маротаба мусобақада ғолибга айланганди. Жорий мавсум ЕЧЛда "Реал" ўз иштирокини нимчорак финалдаёқ тугатишга мажбур бўлди. Бундай кўрсаткич сўнгги бор 2009/10 йилги мавсумда қайд этилганди. Шу тариқа "Реал" охирги 9 йилликдаги энг ёмон натижасини қайта такрорлади.

Тибо Куртуанинг "Реал"даги статистикаси:

Ўйинлар сони: 30

Қуруқ ўйин: 10

Ўтказилган голлари сони: 39