M.FUTBOLL.TV

Хабарларга кўра, “бўрилар” раҳбарияти Италия кубоги “Лацио”га қарши дербидаги йирик мағлубиятдан (0:3) сўнг, 49 ёшли мутахассининг ўрнига мураббий излашни бошлаган.

Ди Франческонинг келажаги ЕЧЛнинг 1/8 финал доирасидаги “Порту”га қарши жавоб ўйинининг натижасига боғлиқ. Улар ўртасидаги илк баҳсда римликлар 2:1 ҳисобида зафар қучганди. Агар мазкур баҳсда “Рома” ижобий натижага эриша олмаса, италиялик мутахассис истеъфога чиқарилади.

Аввалроқ, клубнинг спорт директори Рамон Мончи бир неча мутахассислар билан музокаралар ўтказаётгани ҳақида хабарлар тарқалганди. Улар орасида ”Челси" бош мураббийи Маурицио Сарри асосий номзод сифатида кўрилган. Бироқ, Сарри “аристократлар”ни фақатгина ёзда тарк этиши мумкин.

Шу сабабли, раҳбарият яқинда “Фулҳем”дан кетган Клаудио Раньери ҳамда Италия термасининг собиқ мураббийи Роберто Донадонининг номзодларини кўриб чиқмоқда. Донадонининг сўнгги иш жойи “Болонья” клуби бўлганди.